די קאראוואן באשטייט בעיקר פון אימיגראנטן וועלכע קומען פון לענדער אין צענטראל אמעריקע און דרום אמעריקע, און זיי זאגן אז זיי ווילן אריינכאפן אריינצוקומען קיין אמעריקע איידער טראמפ ווערט איינגעשוואוירן און מאכט עס שווערער. די אימיגראנטן זאן אז עס איז קלאר אז ווי נאר טראמפ קומט אריין, וועט דער גרעניץ ווערן אפגעשפארט און עס וועט נישט זיין קיין מעגליכקייט אריינצוקומען אזוי ווי יעצט.

דער באַריכט דורך די "פיסקעל פּאַליסי אינסטיטוט" צייגט אַז די דורכשניטליכע רענט אין ניו יאָרק סיטי איז געוואַקסן מיט אַכצן פּראָצענט צווישן יאָר 2019 און יאָר 2023. דאָס קומט אין א צייט וואָס אין די זעלבע פּאָר יאָר זענען אינקאָמס צווישן ניו יאָרק סיטי איינוואוינער געוואַקסן בלויז עלף אַהאַלב פּראָצענט, וואָס באַדייט אַז א מערהייט ניו יאָרקער קענען זיך נישט ערלויבן פּשוט צו דעקן די רענט.

די כיזבאַללאַ טעראָר גרופּע האָט געזאָגט היינט אינדערפרי אַז זיי האָבן שוין געשיקט זייער אַנטוואָרט צו די לעצטיגסטע דרעפט פון א פייער אָפּשטעל אָפּמאַך, און יעצט איז די רייע אויף מדינת ישראל צו זאָגן. האכסטיין האָפט אויסצוגלאטן די לעצטע דעטאַלן וואו מדינת ישראל און כיזבאַללאַ זענען נאָכנישט מסכים, אַז מדינת ישראל פאָדערט פון אַמעריקע געשריבענע ערלויבעניש צוריק אַריינצוגיין אין לבנון פאַר עמורדזשענסי אַפּעראַציעס קעגן כיזבאַללאַ אָפּצושטעלן באַלדיגע געפאַרן.

דער ערדציטערניש איז געשאצט געווארן ביי א שטארקקייט פון 2.3 אויפן ריכטערוואג, און עס איז געווען ביי א טיפקייט פון צוויי אהאלב קילאמעטער אונטער דער ערד. איינוואוינער אין די לאקאלע שטאט קאלטשעסטער זאגן אז איינוואוינער האבן באריכטעט אז זיי האבן געהערט א ריזיגע זעץ וואס האט זיך געהערט ווי אן אויפרייס, און ס'איז קלאר געווארן אז דער גערודער איז געקומען פון די ערדציטערניש.

עס האט פאסירט אויף אן אמעריקאנער עירליינס פלייט פון מילוואוקי קיין דאלאס, טעקסאס, וואו אינמיטן די רייזע האט א קאנאדישער בירגער געפאדערט אז ער וויל מען זאל עפענען דעם טיר, און ווען מען האט אים אנטזאגט איז ער געווארן ווילד. אנדערע פאסאזשירן האבן גענומען שריט און האבן גענוצט דאקט-טעיפ אראפצובינדן און אראפצוהאלטן דעם ווילדן פאסאזשיר, און ווען מען האט געלאנדעט איז ער אפגעפירט געווארן פאר גייסטישע אונטערזוכונגען.

פארשידענע אויסלענדישע העקעריי גרופעס האבן לעצטנס זיך פרובירט אריינצוכאפן אין אמעריקאנער טעלעפאן און סעלפאון קאמפאניס, אריינגערעכנט כינע וועלכע טוט דאס פאר סייבער שפיאנאזש צוועקן, צו רויבן קאסטומער דאטא און רעקארדירטע קאלס און מעסעדזשעס. אבער יעצט הערט מען אז עס איז געלונגען פאר "טי מאביל" אפצושטעלן איין אזא סייבער איינברעך אטאקע גענוג באצייטנס, איידער די העקערס האבן געקענט האבן צוטריט צו סיי וועלכע קאסטומער דאטא.

עקספּערטן זאָגן אַז עס איז שטאַרק מעגליך אַז אַן אַרבעטער אינערהאַלב "עי טי ענד טי" אָדער "פעדעקס" האָט אָנגעהויבן זאַמלען טרעקינג נומערן און עס פאַרקויפן פאַר גנבים וועלכע זוכן צו גנב'נען פּעקעדזשעס. קאָסטומערס פון "עי טי ענד טי" ווערן געוואָרנט, אַז אויב זיי ערוואַרטן א פּעקעדזש, זאָלן זיי דאָס אָפּוואַרטן און שנעל אַרייננעמען.

די פיר סטודענטן זענען געזוכט געוואָרן אין פאַרבינדונג מיט גאָר ווילדע ליפלעטן וואָס זענען אויסגעהאָנגען געוואָרן אין די יוניווערסיטי, צילנדיג אידישע איינגעשטעלטע און פּראָפעסאָרן זיי צו פאַרשעמען און סטראַשענען מיט אַטאַקעס. די באַאַמטע זאָגן אַז נאָך אַן אויספאָרשונג זענען פיר סטודענטן אַרעסטירט געוואָרן אַלס פאַרדעכטיגטע אין די ליפלעטן, און נאָך א סטודענט ווערט געזוכט און איז אונטער אויספאָרשונג.

די ביידען אַדמיניסטראַציע האָט אין די לעצטע צוויי יאָר געליפערט וואָפנס פאַר אוקראַינע און מדינת ישראל אין ווערד פון ביליאָנען דאָלאַרן, וואָס האָט געברענגט דערצו אַז וויכטיגע אַרטילעריע און מיליטערישע געצייג זענען געוואָרן אויסגענוצט. אַדמיראַל סעמיועל פּאפּאראו, וועלכער פירט אַמעריקע'ס נעווי אינדא-פּאַסיפיק קאָמאַנד, זאָגט אַז מען מוז נעמען שריט צוריק אָנצופולן אַמעריקע'ס וואָפנס זאַפּאַסן אין פאַל פון אַן עכטע דירעקטע געפאַר אויף אַמעריקע.

מאָסק און ראמאסוואמי האָבן באַקומען די אויפגאַבע פון טראָמפּ אָנצופירן מיט א נייע ספּעציעלע קאָמיסיע וואָס וועט זיך אָפּגעבן מיט'ן שניידן די סייז פון די פעדעראַלע רעגירונג און עלימינירן אומזיסטע און איבריגע שפּענדונג. א קאנסערוואטיווער אַקטיוויסט האָט אַרויסגעשטעלט א פּלאַן אַז די עדזשוקעישאן דעפּאַרטמענט זאָל ווערן אָפּגעשפּאַרט, צוליב וואָס עס ווערט בלויז גענוצט צו שטערן פּריוואַטע שולעס, און סיי מאָסק און סיי ראמאסוואמי האָבן געזאָגט אַז דאָס איז א גוטע פאָרשלאַג.